"Uyghurlar" (T. Almas) ni terjime qilishqa yardem qilamsiz?
(Eger www.uyghuramerican.org buni bash bette ilan qilimiz dise Uyghur kona yeziq nusxisini resim sheklide teyyarlap bérimiz)
Turghun Almasning «Uyghurlar» Namliq Kitabini Uyghurchigha Terjime Qilish Pilani
Hemmimizge melumki, ataqliq tarixshunas turghun almas ependining «Uyghurlar» namliq kitabi Uyghur tarixini eynen ekis ettürgechke dunya miqyasida xéli chong tesir qozghighan. Lékin bu kitab bashqa tillargha terjime qilinmighachqa hem ashkara tarqitish cheklen'gen bolghachqa barghanséri untulup kétilmekte.
Yéqinda bu kitabni dunyagha tonutup Uyghur tarixini échip bérsh üchün bu kitabni in'gliz tiligha terjime qilishni layiq taptuq. Buning üchün tepsiliy ishlarni töwendikidin körüng.
1. Terjime xirajitini kim chiqiridu?
Iane qilghuchilardin kélidu. Eger xalisane terjime qilip bermekchi bolsa bu türge mes'ul xadimlar bilen alaqilashsa bolidu.
2. Kitabni qeyerdin tapimen?
Biz yéqinda bu kitabni kompyutérgha kirgüzüp éléktronliq nusxisini teyyarliduq. Bu kitab terjime qilishqa yardem qilidighan yaki iane qilip paydilanmaqchi bolghan herqandaq shexiske tordin heqsiz iwertip bérilidu.
3. Kitab heqsizmu?
Hee. Biraq u kitab peqet terjime qilishqa yardem qilghan yaki iane qilghan kishilergila ewertip bérilidu. Eng töwen iane sommisi $10, eng az terjime yardimi bir bet. Waqtingiz bolsa waqit(qaysi betni terjime qilishni goruppimizdin sorang), pulingiz bolsa pul chiqiring.
4. Terjimanlargha heq bérilemdu?
Hee, he bir betning terjimisi üchün $10 bérilidu. Bu pul ianidin yighilghan sommidin serp qilinidu.
5. Jem'iy qanchilik xirajet lazim?
Bu kitab jem'iy 841 bet bolghachqa, deslepki qedemde 8410$ terjime heqqi, 500$ din 700$ etrapida tehrirlesh we tüzitish heqqi bolup jem'iy 9000$ etrapida rasxod kétishi mölcherlenmekte.
6. Ianidin yighilghan pullarni kim bashquridu?
Bu pul pütkül Uyghur xelqige tewe. Yighilghan iane sommisi we uning ishlitilish ehwali www.uyghuramerican.org we www.meshrep.com larda qerellik ashkarilinip turidu.
7. Iane bersem méning salahitim we bashqa shexsiy uchurlirim ashkarlinamdu?
Yaq, ular qet'iy mexpiy tutilidu, biz allah namidin qesem bérimiz. Eger bashqilarni iane qilishqa righbetlendürüsh üchün salahiyitingizni ashkarlashni xalisingiz, bizge alahide uqtursingiz bolidu.
8. U kitabning terjimisi pütse qandaq qilmaqchi?
Bu kitab qanchilik iane yighilsa shunchilik terjime qilinidu. Terjime, tehrirlesh we bashqa ishlar pütkendin kéyin u kitab birer teshkilatning neshir qilishigha tapshurup bérilidu yaki bashqa yollar bilen choqum neshir qilinidu.
9. Kitab neshir qilghandin kéyinki kirim qandaq bir terep qilinidu?
Sap kirimning hemmisi Uyghurlar üchün xeyr-saxawet qilish ishlirigha, bashqa kitablarni terjime qilish ishlirigha ishlitilidu. Eger undaq qilish mumkin bolmisa yaki zörür bolmisa «Dunya Uyghur Qurultiyi» gha iane qilinidu, hem iane pulining ishlitilish ehwali we pilani torda ashkarlinidu.
10 . Ianini qandaq ewertimen?
Ianini qolayliq we bixeter bolishi üchün, hazirqi eng bixeter bolghan www.paypal.com arqiliq uyghurlar@hushmail.com gha ewertsingiz bolidu (bashqa iane usulliri qobul qilinmaydu). Paypal.com arqiliq iane qilsingiz sizdin héchqandaq resmiyet heqqi almaydu.
Eger Paypal arqiliq iane qilish qolaysiz bolsa, «Dunya Uyghur Qurultiyi» ning xalighan bir tarmiqigha iane qilsingizmu bolidu. Eger ikkinchi xil usulni tallighan bolsingiz, rastinla iane qilghanlingizni ispatlishingiz kérek.
11. Siler zadi kimler?
Biz özlikimizdin «Uyghurlar» namliq kitabni in'gliz tiligha terjime qilish üchün teshkillen'gen wetenperwer, semimiy hem otyürek Uyghurlar, biz héchqandaq teshkilatqa eza emes.
12. Bashqa soalim bolsa qandaq alaqilishimen?
Uyghurlar@hushmail.com Gha Uyghurche yaki in'glizche xet yézing.
Diqqet: bu kitabni terjime qilish we Uyghurchisini heqsiz tarqitish ishigha goruppimizla égidarchiliq qilidu. Terjime qilghuchilar yaki iane qilghuchilar öz aldigha tarqatsa bolmaydu.
Aliy éhtiram bilen,
«Uyghurlar» ni In'gliz tiligha terjime qilishqa yétekchilik qilish goruppisi
2005-Yil 11-öktebir
(Bu xewerni téximu köp kishilerge yetküzüp qoyghaysiz)
Reply With Quote
Originally Posted by Uyghurlar
